Daeth ffeithiau gwirioneddol frawychus am sefyllfa’r economi wledig i ddwylo’r Blaid Geidwadol heddiw sy’n dangos maint y dirywiad a ddioddefwyd ers 1997.  Yr hyn sy’n wirioneddol frawychus yw maint y dirywiad yma yng Nghymru.

Mewn termau cyffredinol cafwyd lleihad mewn termau real yn y ffigyrau ‘Gross Value Added’ o’r sector amaeth, coedwigaeth, pysgota a hela yn y DU ers 1997.  Y mae’r ffeithiau fel a ganlyn;

£miliwn

Yn 1997 yr oedd yr economi wledig yma yng Nghymru yn gwneud yn well na’r disgwyl gydag ein canran o’r sector mewn termau Prydeinig yn 6.3% mewn cymhariaeth a chanran Cymru o’r boblogaeth, sef 5%. 

O ganlyniad i ddeng mlynedd o lywodraeth Lafur (ac with blynedd o fodolaeth y Cynulliad) y mae Cymru wedi bod yn gyfrifol am 60% o’r cwymp ym maint y sector amaeth o fewn economi Prydain.

Y mae Cymru bellach yn gyfrifol am ychydig llai na 2.2% o’r Sector Amaeth ym Mhrydain.  Y mae’r ystadegau hyn yn cadarnhau fod y Llywodraeth Lafur ynghyd â Llywodraeth y Cynulliad yng Nghaerdydd wedi llywodraethu dros gyfnod o gwymp sylweddol ym mherfformiad yr economi wledig yma yng Nghymru.  A yw’n syndod o gwbl fod ardaloedd gwledig yn parhau i golli pobl Ifanc, gwasanaethau ac ysgolion mewn sefyllfa o’r fath?

Guto Bebb